الموضوع: لدي مشكلة ارجو مساعدتي..

بسم الله الرحمن الرحيم والصلاة والسلام على سيد المرسلين محمد واله الطيبين الطاهرين

السلام عليكم ورحمة الله وبركاته


اشكرك اولا على موضوعك والذي ياخذ ابعاد كثيره لمشاكل مثل هذا النوع واشكرك ثانيه على اخلاصك لزميلاتكي


اما بالنسبه لراي فانصحك بمصارحة صديقتك بالحقيقه صح قد تكون الحقائق مره بعض الاحيان او تكون بالنسبه لها صدمه

ولكن لو بقت على هذا الحب الذي هو وهم وليس يجدو بشيء سوى المتاعب لها وبعد ان ينمو ويكبر اكثر واكثر فستكون صدمتها اكثر بكثير من مصارحتها الان*******

فهذا راي وتقبلي مروري والله يصبر قلبها

نحياتي الك ......
مع الاسف ان بهذا العمر وبهذا العمر صاحبتك مصار عدها خبرة من الحياة ..
صحيح الحب احلى سمة بالكون وبالحياة .
لكن مرات الحب من يكون من طرف واحد يكون نقمة مو نعمة ...
والخطأ من البنت ان اتأملت كثير الا ان خاب املها .............



الحل الوحيد ان البنية تاخذ درس وتحاول تنسة الي صار وتاخذ عبرة حتة لا توكع بهيج خطأ مرة ثانية.
اي ان الشخص الوحيد الي يكدر يحل البنية هية البنية نفسها.عن طريق ايقان ان الولد ما يحبها مو لسبب عيب ما .
انما بسبب انشغال قلبه بغيرها وعدم ملاحظته لحب صديقتك


............ارجوا ان لا اكون قد طولت الكلام عليك
تحياتي الك

تعرفين المفروض مو انتي او غيرج يفهموها المفروض هي تفهم وهي على اي اساس تبني احلام واوهام ..
انتي كلتي انو البنات ثنينهم اقسام داخلية .. وجايين يدرسون .. ما اريد اصير قاسية بس رح احجي اني من منطلق بيئتي ومن المكان اللي عايشة بيه .. هالبنت المفروض احد يصحيها يكللها بنتي اصحي الولد تقدم لصديقتج .. الحب مو نظرات وابتسامات الحب شاب حب او عجبته بنت يتقدم ويطلبها ...
هي لو منتبهه لدروسها جان ملكت وقت تحب بيه بس هي ملتهية تحب اسفة اذا ردي قاسي
يا حبيبتي واجهيها وكوليلها تتنبه لمستقبلها احسن ..

تحياتي

المشاركة الأصلية كتبت بواسطة رونق

تعرفين المفروض مو انتي او غيرج يفهموها المفروض هي تفهم وهي على اي اساس تبني احلام واوهام ..
انتي كلتي انو البنات ثنينهم اقسام داخلية .. وجايين يدرسون .. ما اريد اصير قاسية بس رح احجي اني من منطلق بيئتي ومن المكان اللي عايشة بيه .. هالبنت المفروض احد يصحيها يكللها بنتي اصحي الولد تقدم لصديقتج .. الحب مو نظرات وابتسامات الحب شاب حب او عجبته بنت يتقدم ويطلبها ...
هي لو منتبهه لدروسها جان ملكت وقت تحب بيه بس هي ملتهية تحب اسفة اذا ردي قاسي
يا حبيبتي واجهيها وكوليلها تتنبه لمستقبلها احسن ..

تحياتي

اني رائيي من رائي رونق

مساء الخير

انا اعكس فكره نريمان تمام
اختِ العزيزه الصداقه شي جميل واكبر من الحب بنظري
اذا انتِ ماتحجين وياها وتفهميمها على كل صغيره وجبيره حتى وان تزعل
اذاً شنو فايده الصداقه .. اكو مثل يقول امشي ويه اليبجيك ولاتمشي ويه اليضحكك
لاتتصورين اكو صداقه تنقطع بين اثنين علمود كلمه صدق او نصيحه ممكن الطرف الاخر يزعل ويضوج لمده معينه بس انا متاكد اذا تكلمتم مره ثانيه تروح كل الغضينه

احسن شي تقدين وياها وتحجين الها كل الي تعرفينه على قولتهم من طقطق الى السلام عليكم
وانا متاكد انه علاقتكم وحبها الج راح يزيد اكثر واكثر وماتتندمين انتِ بالمستقبل من تشوفيها انصدمت بواقع الحال
وتقولين لنفسج ليش ماقلتلها من زمان

واقصر طريق بين نقطتين هو الخط المستقيم
يعني لاتلفين وتدورين وماتعرفين منين تبدين وياها
مثل مالخصتي الموضوع هنا تقدرين تلخصين الموضوع الها ببساطه

تقبلي مروري البسيط

اخوكِ
اسامه الفراتي

هذي المشكله كثير بتصير فهي لازم تصارح صديقتها وتفتح عيونها على حقيقة انه الشب ما بحبها